Захирлын мэндчилгээ
img

Интернет хэрэглэгч эрхэм Та бүхэнд Үндэсний төв архивын хамт олон, нийт архивчдын өмнөөс болон хувиасаа энэ өдрийн мэндийг дэвшүүлж, аз жаргал, сайн сайхныг хүсэн ерөөе.
Үндэсний Төв Архив нь баримт бичгийн төрөл зүйл, салбарын хамаарлаас үл шалтгаалан Монгол улсын түүхэнд холбогдох баримт бичгийг улсын хэмжээнд төвлөрүүлэн байнга хадгалж, ашиглах эрх, үүрэг бүхий төрийн төв архив билээ.
Бид үйл ажиллагааны тэргүүлэх чиглэл болсон олон нийтэд нээлттэй, хүртээмжтэй, ил тод байх, шинжлэх ухааны үндэслэлтэй, үнэн бодитой мэдээллээр хэрэглэгч та бүхнийг түргэн шуурхай хангах ажлын нэгэн хэсэг болгож энэхүү цахим хуудсыг нээн ажиллуулж байна.
Та бүхнийг манай цахим хуудсаар тухлан зочилж бидний үйл ажиллагаа болон улс, ард түмнийхээ түүх шашдир, бичиг соёлын арвин баялаг өв сантай танилцаж, бидэнтэй хамтран ажиллахыг хүсье.  
 

ҮТА-ын
Захирал Б.Эрдэнэбадрах

Япон улсын үндэсний архивын газрын төлөөлөгчид ажлын айлчлал хийж байна
img

Япон Улын Үндэсний архивын газрын ерөнхийлөгч Такэо Като тэргүүтэй албан хаагчид Монгол Улсын Архивын ерөнхий газрын үйл ажиллагаатай танилцах ажлын айлчлалыг 2015 оны долдугаар сарын 27-28-ны өдрүүдэд хийж байна.

Айлчлалын хүрээнд талууд цаашдын хамтын ажиллагааны төлөвлөгөөг хэлэлцэх, гадаадад байгаа архивын баримт бичгийг цуглуулах талаар санал солилцох, АЕГ-ын Үндэсний төв архив болон төрөлжсөн архивууд болох Цагдаагийн төв архив, Гадаад харилцааны төв архив, Нийслэлийн архивын үйл ажиллагаатай танилцана.

Өнөөдөр /2015.07.27/ Япон Улсын Үндэсний архивын газрын зочид төлөөлөгчид ҮТА-ын Түүхийн баримтын архив, Зураг төслийн баримтын архив, Сэлбэн засах, сэргээн шинэтгэх төв, Цахим сангийн төв болон Нийслэлийн архивын газрын үйл ажиллагаатай танилцана. Мөн өдөр Япон Улстай холбоотой баримтын үзэсгэлэнг ҮТА-ын үзэсгэлэнгийн танхимд толилуулж байгаа юм.

Хэрэглэгч танд

Өргөдөл гомдол

Лавлах утас 1800-1205

Facebook